خد بالك من عيالك
نرمين توفيق
الموضوع اللي عايزة اتكلم فيه انهاردة هو عن ضرر الفترة الطويلة اللي كتير من اطفالنا سواء
ابناءنا او اخوتنا بيقضوها امام العاب الفيديو جيمز .. ممكن الاب او الام يقولوا الاحسن ان ابني يفضل ادام الالعاب ديه على الاقل اهه يكون ادام عيننا .. بس ده مش منطق .. بسبب كترة الامراض العضوية ومش بس كده والنفسية كمان اللي تصيب الاطفال .. كثرة الجلوس امام الالعاب ديه هيأثر على نظر الطفل وظاهرة ارتداء الاطفال للنظارات الطبية انتشرت بالاضافة الى تاثيرها على الجهاز العصبي .. فيه دراسات بتقول ان كثرة الجلوس امام الشاشات الالكترونية بيأثر سلبا على كهربة المخ .. اما على الناحية النفسية فالموضوع ده ممكن يخلي الطفل منعزل عن الاخرين مش بس كده في الفترة هو مش بيعرف يفرق بين العالم الحقيقي والعالم الخيالي اللي بيتعرض ادامه في الالعاب .. وده ممكن يخلي بعض الاطفال تقلد الحركات الخطيرة اللي بيشفوها في الالعاب ومن فترة قريبة سمعنا عن حادثة الطفل اللي شنق نفسه في محاولة تقليد احد ابطال الالعاب الالكترونية ... بالاضافة بقة لزيادة مستوى العنف عند الطفل لان معظم الالعاب الالكترونية ليست اكثر من ضرب وقتل.
عشان كده خدوا بالكم من الموضوع ده .. ومش معنى ان انت شايف ابنك ادام عينك وهو قاعد على امام الالعاب ديه انه بيكون في أمان ده مش صح .. حاول تنظم له وقته.. خليه يمارس رياضة او يحفظ قرآن او يقرأ كتاب.. حاول تفهمه ان العالم اللي بتقدمه الالعاب الالكترونية مختلف كل الاختلاف عن عالمنا الحقيقي... يعني خد بالك من عيالك
للتعليق
من منتدى حقيقة العرب
No comments:
Post a Comment