يمه ماقدر أوفيلك أجر ... يمه لو حاولت ما القى عذر
إنتي امي ودوم يمي ... انتي في الدنيا كل معنى الصبر
يمه ماقدر .. اوفيلك أجر
ياحلاتك وياحلات ذاك الزمن .. لما كنا صغار ننعم بالامان
وياحلو قليّبك القلب الرحيم .. بالمحبه دوم يترك لي أثر
يمه ماقدر .. اوفيلك أجر
لما ازورك بالبيت القديم .. وما القاك أظل اصرخ يتيم
ربي أدرى وبحالي عليم .. البيت مايسوى لو انه قصر
يمه ماقدر .. اوفيلك أجر
يمه ادعي لي دعوه بكل صلاة .. يمه والجنه تحت اقدام الامهات
يمه ادعي لي اعيش بنعيم .. بدعوه منك اتحاشا الجمر
يمه ماقدر .. اوفيلك أجر
| | خذني معك .. من وين ما رحت .. وياك
خذني بقلبك .. دام قلبي .. رهينك
صعبه ترى لو شفت .. وشلون ابسلاك لو طفت هالعالم .. تراني سجينك
عذبتني .. واشقيت روح ٍ تمناك
لو ( الهوى ) ينطق .. وربي يدينك
مات الغلا .. ينزف على درب ذكراك
رغم الجفا .. لا زال .. يرجي حنينك
بعدك حياتي .. كلها ضيق .. وارباك الواقع .. اللي .. ما تمناه .. عينك
كل المشاعر .. في غيابك .. تحراك
تصرخ عليك من الوله .. حيل .. وينك
مقدرعلى بـُـعدك .. حشى كيف فرقاك
هذي الحقيقة .. خلها .. في يقينك
همك عذاب .. اللي نسى الناس .. لرضاك
وهمي اشوفك .. مهتني .. في سنينك
لو تطلب سنين العمر .. من فداياك
سلمتلك عمري .. براحت .. يمينك
منك احتملت من الشقى فوق .. ما جاك
سميت نفسي بالمحبه..حزينك
يكفي .. دخيلك ( حس ) باللي ترجاك
لا عاش منهو .. يا حياتي .. يهينك
تعبت مالي .. بالهوى غير .. دنياك
مديت لك يمناي .. عطني .. يدينك
اعاهدك .. ببقى على الحب .. منساك عهد ٍ قطعته .. بين قلبي .. وبينك
| | | |
No comments:
Post a Comment