زوجته راح تندم طوووووول عمرها
الله يهون عليه و يرشده للصواب
مره أنقهرت عليه :(
Date: Wed, 8 Jul 2009 15:51:57 +0200
Subject: [ٌٍ قٌٍلوٍبٌَِ آلعًٍآشًِْقٌٍيَن:4701] قهـــــــر الرجـــــــال !!!
From: gina.aldbag@gmail.com
السلام عليكم ورحمــــة الله وبركاته
ويسعد مســــــاكم جميعــــــا
موضوع اليوم اكيد انه مختلف عن السياسة وعن القناعة اللي كنت ماشية عليها من زمااااان
لأول مرة بحياتي اتعاطف مع رجال واكره بنت
لأول مرة اعرف انه فيه بنات ما بيستاهلوا غير القسوة والبهدلة
لأول مرة اوصل بحياتي لدرجة انه اكره بنت
دايما اطلع مبررات لأي شي ممكن تعمله
وعارفة ومقتنعة من جواتي انه ما بتعمل شي غلط الا والرجال هو اللي جابرها عليه
بس اليوم اتغيرت عندي مفاهيم كتير والبنت اذا من جواتها فاسدة ومو متربية راح تعمل اي شي
اليوم موجوع قلبي كتير فعلا الدنيا فيها مآسي وبلاوي كتير
ما بنحكي غير الله يستر علينا يارب ويحمينا ويخرجنا منها على خير
من امس وانا ملاحظة انه زميلي بالعمل واكتر من اخي مو طبيعي
ملاحظة انه سرحان ومهموووم ومو بالدنيا
مو مركز بشي ولا مركز لا بدوام ولا بشغل ولا قدران يحكي مع حدا
حاولت اعرف شو به سكت وما رد عليا ,,, ما حبيت اضغط عليه وتركته لاني متعودة اذا بده يحكي مو منتظر لاضغط عليه بيحكي دغري
اجا اليوم بنفس الحالة واسوأ لقيته فات لعندي في المكتب والتنهيدة طالعه متل النار يلي بتحرق صدره
والدمعة بعيونه مجمدة بيصارع صراااااع رهيب بين انه ينهار وينفجر بالبكا
وانه يتماسك لأنه رجال وما بيصح يبكي وخصوصا قدام وحدة بنت ...
قالي بتمتمة وكلمات متقاطعة وصوت مهزوز
انتي اختي الصغيرة بس بوثق فيكي كتير ومحتاج افضفض معك واحكي
شايل جبل على قلبي من امبارح ومو قادر احكي لحدا
قلتله احكي واعتبر حالك بتحكي مع نفســــــك
بلش يحكي لي عن مرته وكيف انه صارلها ست شهور متغيرة معه
هو متزوج من سنتين وعنده بنوووتة عمرها سنة الله يحفظها يارب
بيحكي لي بفوت عالبيت بلاقيها غريبة مو طبيعية ومتل كانها ما بدها اياني ارجع
دايم تتصل عليا وانت فين وامتى بدك تيجي وقربت من البيت او لا كنت افرح باهتمامها
بس لما ارجع عالبيت ما الاقي هالاهتمام واستغرب
حاس انه فيها شي مو طبيعي وصارحتها اكتر من مرة بس كانت حجتها الدائمة البنت شاغلتني وتاعبتني
وكان بيصدق لانه ما بده يصدق احساسه بأنه فيه شي تاني مغيرها
من شهرين بالصدفة هيك ماسك جوالها وبيقرا بالرسايل شاف رساله منها لواحد اسمه احمد
بتحكيله معلش يا احمد مش عارفة اكلمك عشان مو معي رصيد ......... ولسة بده يكمل الرسالة
خطفت منه الجوال ودغري مسحتها وقالها مين هادا احمد اللي مو عارفة تكلميه ؟؟
قالت له هادا زميلي بالشركة اللي كنت بشتغل فيها قبل لا اجيب البنت وترك الشغل وكان بده شغل جديد وكان بده يكلمني اشوف له شي شغل
ولما بلش يضغط عليها وليش طيب اخدتي الجوال بسسرعة هيك مني صارت تبكي وتحكيله شو بك مو واثق فيا وقلبت الموضوع عليه
وهو عشان بيحبها وثقته فيها عمياء ولانه قلبه طيب ما اتحمل دموعها وراح يصالحها وانتهى الموضوع
من يومين بالصدفة جالس بالصالة وهي بالمطبخ اجت رسالة على جوالها
باسم وحدة بنت بس مضمون الرسالة معلش يا قمر مو عارف اكلمك هلأ معي ناس بكلمك بعدين .
هي شافت زوجها ماسك الجوال دغري خطفته ومسحت الرسالة هو قالها ليش مسحتيها قالت ما مسحت شي انا بدي اكلم ماما
قالها مين اللي مو عارف يكلمك عشان فيه ناس معه ومسجلتيه باسم بنت ؟؟
بعد انكار وتردد قالت له هادا زميلي بالشركة القديمة كنت بتصل عليه عشان لقيت له شغل بعدين رجع رد عليا بهالرسالة
هو اخد الرقم وكلمه قدامها وسأله انت بتشتغل بالشركة الفلانية قاله لا قاله تعرف وحدة اسمها كذا قال ايه بعرفها قاله من وين عرفتها
قاله اتعرفت عليها بالمكان الفلاني ليش بتسأل انت مين قاله انا زوجها راح سكر الخط دغري
المهم هي ما نطقت ولا كلمة وبعد تفاصيل كتير كذبت فيها والفت قصص وجابت من يمين ويسار بالاخير اعترفت بكل شي
وقالت له انه هادا بيحبها من زمان بس اهلها ما وافقوا عليه وكلمها بده تشوفله شغل عن طريقها ... !!
بعد تفاصيل كتير وبعد كذب من طرفها على تناقض توصل انه مرته على علاقة بهالزلمة صارلها اربع شهور
اتطلع فيا هيك وهو بيحكي وللأسف انهزم قدام دمعته يلي ما قدر يجمدها اكتر من هيك
اكتر شي مؤلم بهالدنيا تشوف دمعة رجال .... آآآآآآآآآآآآآه دمعته متل خنجر مسموم فات بصدري
الرجال غير البنات دمعتهم عزيزة كتير وما بتنزل الا بالمواقف القوية ما بالك موقف هو فيه مطعون ومجروح بشرفه وكرامته !!
ما تمالكت نفسي قدام دموعه ولقيتني منهارة ببكي معه ...
بالعادة كنت لما اسمع قصة خيانة زوجة لزوجها بكل غباء كنت اتعاطف مع الزوجة
وبحكي اكيد هو مهملها اكيد هو قاسي عليها ما راح يكون طيب وحنون معها ومعطيها كل حقوقها وهي تروح تخونه
بس جلست وتذكرت على مدى سبع شهور فاتوا وهي مدة معرفتي فيه كيف ان زميلي هاد كان كل همه بحياته زوجته وبنته
كنت استغرب كتير لما كان يسأل دايم عن الاطفال وكيف طريقة تربايتهم وكيف التصرف بحالات المرض او غيره من الشغلات اللي بتخص الاطفال واللي المفروض تسأل وتهتم فيها الام مو الاب
مرة من المرات اجا فرحان بيحكي لي تصدقي اليوم اتعلمت كيف انظف بنتي بعد الحمام الله يكرمكم والبسها البامبرز ؟ !!
سألته وليش وين امها قالي امبارح كانت نايمة وتعبانة فما حبيت اصحيها ورحت انا بدلت للبنت عشان ما ازعجها !!
مرة لقيته بيستأذن من الدوام بكير سألته ليش شو عندك قالي اليوم مرتي كانت مدايقة شوي فبدي آخدها هي والبنت ونطلع نغير جو بأي مكان ...
من كم يوم شغال عالبنوك بيحاول ياخد قرض عشان مرته بدها تروح لشقة اوسع وهو ما بده يزعلها ويحققلها اللي بدها اياه
اوقات يجي تاني يوم تعبان ومرهق ومو نايم كويس اساله شو بك يحكي لي البنت كانت صاحية في الليل وبدها حدا يلاعبها واضطريت اسهر معها عشان امها كانت نايمة !!!
مرة كان مدايق بسبب انه كل يوم بيضطر يرجع من الدوام على بيت اهلها عشان ياخدها وياخد البنت ويرجع عالبيت وبيحكي لي انه طفش من هالروتين اليومي
قلتله خلاص خليها تخفف زياراتها لأهلها او ترجع بكير قبل لا ترجع انت من الدوام قالي خليها تغير جو اكيد بتكون طفشانة في البيت لوحدها وانا بالدوام ..
مرة كمان طول اليوم اتصالات بأطباء عشان ياخد لها موعد عشان الضغط عندها كان رافع شوي ومصدعة !!
كنت استغرب اهتمامه بمرته وبنته هالقد
وكنت دايم احكيله انت من النوادر بهالدنيا ما في ازواج بيعملوا متل ما بتعمل
يرد عليا ويحكي لي انا براعي الله فيها وفي بنتي عشان الله يبارك لي بحياتي ويبارك لي ببنتي ويرزقها زوج يراعي الله فيها ..
كان اكتر شي بيدايقه من مرته عدم التزامها بالصلاة وكل ما يطلب منها تصلي تعاند معه بزيادة وما تصلي !!
كانت تخانق معه اذا شافته يتفرج على برامج او قنوات دينية وتخانق بدها المسلسل الفلاني رغم انه ما بيشوف التلفزيون غير ساعة ساعتين باليوم
ورغم هيك عشان ما يزعلها يخليها تتفرج عاللي بدها
تفاااااصيل كتيييييييييييير وكتيييييييييييير تعطيني قناعة انه هالانسان ما يستاهل غير وحدة تشيله بعيونها وتسكر عليه
زملاءنا بالعمل بيتريقوا عليه ويحكوا عليه انه طيب بزيادة يعني ( اهبــــل) بمجتمعنا المتدني بالاخلاق
اليوم قالي تصدقي انه اصحابنا كان عندهم حق لأنه انا فعلا اهبل قالها بمرارة وحرقة الله ما يفرجيها لحدا
طلبتله كاسة ليمون ليروق شوي وبلش يشرب ويرجع يحكي لي تفاصيل اكتشافه للخيانة وفجأة ما حسيت فيه الا وكاسة الليمون بكل قوة على الارض يرميها
ويحكي لي بكل انفعال اذا طلقتها راح انحرم من بنتي نور عيني ونور دنيتي كلها وبنتي عندي الموت اهون من فراقها
واذا خليتها على ذمتي ما عمري راح انسى خيانتها ولا عمري راح ارجع اوثق فيها مرة تانية
شو بدي اعمل شو بدي اعمل
ويخرج من عندي منهااار تماما .....
( الله يعينه ويقويه ويصبره على ما ابتلاه )
يا ناااس بعرف انه البنات بتضل تلعب وتتسلى وتعرف شباب بس لما تتجوز خلاص بتحترم حالها وتصون زوجها
دايم اسمع واشوف قصص زوجات كيف منهارات ومجروحات من خيانة ازواجهم الهم
لكن وقدام عيني شفت خيانة المرأة اقوى واشد الم ومرارة من خيانة الرجل وخصوصا اذا كان هالرجل مو مقصر معها بشي وعيبه الوحيد انه طيب مع وحدة ما تستاهله
صح الاتنين متساويين بالذنب لكن وقع الصدمة على الرجل بتكون اقوى واشد الم عن المرأة
الله يهون عليه ويصبره والحمد لله انه شفت قدام عيني متل هالتجربة لاتعلم شي جديد بالحياة انه مو كل البنات ملائكة ولا كل الرجال شياطين ...
تحيـــــــــاتي للجميــــــــــــع
جينــــــــا
يساعدك Windows Live على استمرار الاتصال بينك وبين كافة أصدقائك، في مكان واحد.
--~--~---------~--~----~------------~-------~--~----~
لقد تلقيت هذه الرسالة لأنك مشترك في مجموعة قٌٍرٌٍوٍبٌَِ قٌٍلوٍبٌَِ آلعًٍآشًِْقٌٍيَنْ .
لتقوم بارسال رسائل لهذه المجموعة ، قم بارسال بريد الكترونى الى
jarh5000@googlegroups.com
لإلغاء الاشتراك في هذه المجموعة، ابعث برسالة الكترونية الى
jarh5000-unsubscribe@googlegroups.com
لخيارات أكثر , الرجاء زيارة المجموعة على
http://groups.google.com.sa/group/jarh5000?hl=en
-----------------------
أثبت وجودك لا تقرأ وترحل شارك معنا ولو بأيميل واحد
لمن اراد التوقف عن استقبال ايميله من المجموعة
يرسل بريد الى jarh5000@hotmail.com
ويكتب يرجى التوقف عن ارسال رسائل البريد الإلكتروني من المجموعة.
وسيتم الغائه خلال 24 ساعة
--------------------------------
Who wants to stop receiving messages from the group
Send mail to Jarh5000@hotmail.com
.Please stop writing and sending e-mail messages from the group
Will be canceled within 24 hours
-~----------~----~----~----~------~----~------~--~---
No comments:
Post a Comment