السلام عليكم ورحمة الله وبركاته
ويسعد مساكم جميعـــــــــــا
اتتني رسالة من صديق يعرض فيها مشكلة احدى الاخوات مصابة بمرض السكر
ووضحت برسالتها انها لا تعاني جسديا بقدر ما تعاني نفسيا من نظرة بعض الناس بالمجتمع لها
واوضح لي الصديق برسالته انه مريض سكر ولا يعاني اطلاقا من اي شيء مما ذكرته الاخت برسالتها
ولكن المفارقة بأنه انا ايضا مصابة بمرض السكر منذ الولاده وعانيت قليلا مما ذكرته الاخت مما جعل بقلبي قناعة ان النساء المريضات بالسكر اكثر من الرجل معاناة _من الناحية النفسية _ وبناء على طلب من هذا الصديق بكتابة موضوع عن الجانب النفسي لمرضى السكر قررت ان اكتب هذا الموضوع
مبدأيا من الناحية الجسدية السكر صديق الانسان وكل يوم علاجات واجهزة قياس السكر في تقدم وبيقدر الانسان بفضل الله تعالى انه يتعايش بشكل طبيعي مع هالمرض
اما المشكلة اللي لاحظتها انا بناء على التجربة الشخصية انه الناس عم تتعامل مع المصابين بهالمرض بشكل مو طبيعي
وانه فيه شي دايما ناقصهم وانهم غير صالحين لا للزواج ولا للعمل ولا لشي
بتذكر وانا عمري عشر سنين صابتني غيبوبة سكر ورحت للمستشفى ونوموني حوالي اسبوع ما راح انسى ابدا الدكتور موفق وهو بيحكي لبابا وماما وقت شاف لهفتهم وخوفهم وقلقهم عليا ودلعهم الزااااااااااااايد الي راح قالهم انه الدلع الزايد راح يجيب نتيجة عكسية ... المفروض البنت تتعامل بشكل طبيعي جدا اذا غلطت تعاقبوها وتكلفوها بكل المهام يلي بيتكلف فيها اي طفلة بعمرها
ما تحسسوها انها مو طبيعية وما تظهروا لها الخوف والقلق عليها ... الخ .... بس طبعا لا حياة لمن تنادي من وانا بصغري اتعودت انه كل طلباتي اوامر وانه كل الناس لازم يكونو رهن اشارتي حتى بالمدرسة كنت الوحيدة اللي مسموح لها الاهمال بالدراسة وبحل الواجبات وصاروا المدرسين يخافوا يكلموني لاني مريضة سكر واللي يستجري يعاملني عادي او يعاقبني على اي تصرف غلط عملته ببدأ انا ادعي التعب والاغماء كرمال اضغط عالمدرس ويخاف عليا وما عاد يكررها مرة تانية
صرت طفلة انانية وعندي حب امتلاك وسيطرة وصرت اواجه صعوبة كتير في التعامل مع اصحابي بسبب هالطريقة بس يمكن لوفاة امي وانا بعمر 15 سنة ولظروف معينة اضطرتني لاواجه الحياة بشكل تاني بعيد عن الدلع والرفاهية يمكن هاي الشغلة يلي كونت شخصيتي بشكل مناقض تماما لايام طفولتي لكن لو حدا غيري استمر الوضع هيك علطول كان راح تكون شخصية مستهترة وانانية وما عندها اي تحمل للمسؤولية .... هادا بالنسبة للتربية من الصغر منشان هيك بنصح اي ام واب طفلهم مريض بالسكر يبعدوا عن الدلع الزايد وعن التعامل معه على انه شخص مو طبيعي لانه راح يتعب كتير بحياته بعدين ....
اما بالنسبة للبنت المصابة بمرض السكر وبعمر من الـ 20 مثلا بتبدأ تواجه مشكلات من نوع تاني
وبحكي عن نفسي انا كنت بشوف بنظرات الناس شفقة وعطف مجرد ما يعرفوا اني مريضة سكر مع انه انا شايفة حالي طبيعية جدا وما في اي داعي لنظرات الشفقة والعطف هاي ... اذا انعزمت عند ناس على غدا مثلا صار كل الغدا مسلوق ودايت كانه محرومة انا من الاكل العادي اذا بدي اروح الملاهي مع اصحابي حطوني انا بالعاب الاطفال لانه ما بينفع افوت بالعاب الكبار ممكن اتعب ... بالجامعة مثلا كان الدكتور يطلب من زملائي موضوعات صحفية تستدعي مجهود بدني وروحة وجاية ولقاءات وانا كان يكتفي بتكليفي بموضوع اجتماعي كل مصادره اخلصها بالتليفون لانه خايف عليا من اي مجهود .. وصلت لمرحلة انه بدي اصارخ واحكي للعالم يا ناس انا طبيعية جدا والانسولين يلي بينقص بجسمي بعوضه بانسولين خارجي وبكون طبيعية متلي متل العالم لشوو بقى التعامل مع هالمرض بهالشكل ... ما بعرف
بالنسبة للعمل واجهت صعوبة كتير كبيرة لانه اتوظف بسبب اني مصابة بمرض مزمن وهو السكر .. يعني هل مريض السكر اقل كفاءة من الانسان العادي ؟؟ يعني انا بلاقي ناس معاقين اعاقات بدنية بس كفاءتهم وذكائهم اعلى بكتير من ناس طبيعية فما بالك بمريض سكر ..!!
بالنسبة للبنات وهادا اكتر شي عم يجرح البنت وهو موضوع الزواج .. اي واحد بده يخطب وحدة بس يعرف انها مريضة سكر دغري بيطفش انا صارت معي هالقصة مرتين والمرتين كان الموضوع مو تقليدي يعني كنت على معرفة من قبل بالخاطب وبعد ما يكون ناوي على كل شي ببلش اصارحه واحكيله انا مريضة سكر .... ما عاد اشوف وشه وهالشي كان له ناحية ايجابية بحاله انه بدي اطفش اي عريس بس احكيله انا مريضة سكر بيطفش دغري ههههههه
آخر واحد سألته خلاص نحنا ما في نصيب بيننا بس بدي اناقشك بالموضوع شو نظرتك للبنت المصابة بالسكر يعني مو انت اول واحد يكون هيك موقفه شو يلي بيخلي اي شاب مجرد ما يعرف انه هالبنت معها سكر يصرف نظر عنها
قالي وهو محرج انه مريضة السكر بيصيبها برود بالعلاقة الزوجية هادا غير مشاكل بالنسبة للحمل والولادة واحتمال اصابة الاولاد بالسكر وراثة راح تكون كبيرة هادا غير الاجهاد الدائم اللي بيخلي مراعاتها للبيت ما راح تكون على اكمل وجه وهادا ذكرني كمان بواحد كان جايب ابنه عمره 18 سنة للدكتور يراجع وكان بيخبر الدكتور انه بده يجوز ابنه بهالعمر لانه خايف اذا كبر شوي تظهر عليه مضاعفات السكر وما بينفع يتجوز بعدين ... الدكتور صحح له المعلومة وقاله ابنك ملتزم بالعلاج ووضعه طبيعي وبتبلش تظهر عليه مضاعفات السكر في حال الاهمال مو قبل عشر سنوات
و انا كمان سألت الطبيب اللي بتابع معه اذا الوضع بيختلف بين البنت والولد وانه البنت ممكن يأثر بالحمل والولادة ... الخ قالي هالحكي ماله اي اساس من الصحة بس ممكن هالشغلات تصير لمضاعفات السكر في حال اهمال العلاج او عدم الانتظام في مواعيد الابر غير هيك انا انسانة طبيعية وبقدر اعيش حياتي بشكل طبيعي واؤدي مهامي سواء كموظفة او زوجة او ام بشكل كامل
الخلاصة من الموضوع انه مرضى السكر ناس طبيعيين وما عندهم اي مشكلة بأي شي فبلاها الانتقاص من قدرهم ومراعاة الجانب النفسي لهم لأنه اهم كتير من الجانب البدني
تحيـــــــــــاتي للجميـــــــــع
ويسعد مساكم جميعـــــــــــا
اتتني رسالة من صديق يعرض فيها مشكلة احدى الاخوات مصابة بمرض السكر
ووضحت برسالتها انها لا تعاني جسديا بقدر ما تعاني نفسيا من نظرة بعض الناس بالمجتمع لها
واوضح لي الصديق برسالته انه مريض سكر ولا يعاني اطلاقا من اي شيء مما ذكرته الاخت برسالتها
ولكن المفارقة بأنه انا ايضا مصابة بمرض السكر منذ الولاده وعانيت قليلا مما ذكرته الاخت مما جعل بقلبي قناعة ان النساء المريضات بالسكر اكثر من الرجل معاناة _من الناحية النفسية _ وبناء على طلب من هذا الصديق بكتابة موضوع عن الجانب النفسي لمرضى السكر قررت ان اكتب هذا الموضوع
مبدأيا من الناحية الجسدية السكر صديق الانسان وكل يوم علاجات واجهزة قياس السكر في تقدم وبيقدر الانسان بفضل الله تعالى انه يتعايش بشكل طبيعي مع هالمرض
اما المشكلة اللي لاحظتها انا بناء على التجربة الشخصية انه الناس عم تتعامل مع المصابين بهالمرض بشكل مو طبيعي
وانه فيه شي دايما ناقصهم وانهم غير صالحين لا للزواج ولا للعمل ولا لشي
بتذكر وانا عمري عشر سنين صابتني غيبوبة سكر ورحت للمستشفى ونوموني حوالي اسبوع ما راح انسى ابدا الدكتور موفق وهو بيحكي لبابا وماما وقت شاف لهفتهم وخوفهم وقلقهم عليا ودلعهم الزااااااااااااايد الي راح قالهم انه الدلع الزايد راح يجيب نتيجة عكسية ... المفروض البنت تتعامل بشكل طبيعي جدا اذا غلطت تعاقبوها وتكلفوها بكل المهام يلي بيتكلف فيها اي طفلة بعمرها
ما تحسسوها انها مو طبيعية وما تظهروا لها الخوف والقلق عليها ... الخ .... بس طبعا لا حياة لمن تنادي من وانا بصغري اتعودت انه كل طلباتي اوامر وانه كل الناس لازم يكونو رهن اشارتي حتى بالمدرسة كنت الوحيدة اللي مسموح لها الاهمال بالدراسة وبحل الواجبات وصاروا المدرسين يخافوا يكلموني لاني مريضة سكر واللي يستجري يعاملني عادي او يعاقبني على اي تصرف غلط عملته ببدأ انا ادعي التعب والاغماء كرمال اضغط عالمدرس ويخاف عليا وما عاد يكررها مرة تانية
صرت طفلة انانية وعندي حب امتلاك وسيطرة وصرت اواجه صعوبة كتير في التعامل مع اصحابي بسبب هالطريقة بس يمكن لوفاة امي وانا بعمر 15 سنة ولظروف معينة اضطرتني لاواجه الحياة بشكل تاني بعيد عن الدلع والرفاهية يمكن هاي الشغلة يلي كونت شخصيتي بشكل مناقض تماما لايام طفولتي لكن لو حدا غيري استمر الوضع هيك علطول كان راح تكون شخصية مستهترة وانانية وما عندها اي تحمل للمسؤولية .... هادا بالنسبة للتربية من الصغر منشان هيك بنصح اي ام واب طفلهم مريض بالسكر يبعدوا عن الدلع الزايد وعن التعامل معه على انه شخص مو طبيعي لانه راح يتعب كتير بحياته بعدين ....
اما بالنسبة للبنت المصابة بمرض السكر وبعمر من الـ 20 مثلا بتبدأ تواجه مشكلات من نوع تاني
وبحكي عن نفسي انا كنت بشوف بنظرات الناس شفقة وعطف مجرد ما يعرفوا اني مريضة سكر مع انه انا شايفة حالي طبيعية جدا وما في اي داعي لنظرات الشفقة والعطف هاي ... اذا انعزمت عند ناس على غدا مثلا صار كل الغدا مسلوق ودايت كانه محرومة انا من الاكل العادي اذا بدي اروح الملاهي مع اصحابي حطوني انا بالعاب الاطفال لانه ما بينفع افوت بالعاب الكبار ممكن اتعب ... بالجامعة مثلا كان الدكتور يطلب من زملائي موضوعات صحفية تستدعي مجهود بدني وروحة وجاية ولقاءات وانا كان يكتفي بتكليفي بموضوع اجتماعي كل مصادره اخلصها بالتليفون لانه خايف عليا من اي مجهود .. وصلت لمرحلة انه بدي اصارخ واحكي للعالم يا ناس انا طبيعية جدا والانسولين يلي بينقص بجسمي بعوضه بانسولين خارجي وبكون طبيعية متلي متل العالم لشوو بقى التعامل مع هالمرض بهالشكل ... ما بعرف
بالنسبة للعمل واجهت صعوبة كتير كبيرة لانه اتوظف بسبب اني مصابة بمرض مزمن وهو السكر .. يعني هل مريض السكر اقل كفاءة من الانسان العادي ؟؟ يعني انا بلاقي ناس معاقين اعاقات بدنية بس كفاءتهم وذكائهم اعلى بكتير من ناس طبيعية فما بالك بمريض سكر ..!!
بالنسبة للبنات وهادا اكتر شي عم يجرح البنت وهو موضوع الزواج .. اي واحد بده يخطب وحدة بس يعرف انها مريضة سكر دغري بيطفش انا صارت معي هالقصة مرتين والمرتين كان الموضوع مو تقليدي يعني كنت على معرفة من قبل بالخاطب وبعد ما يكون ناوي على كل شي ببلش اصارحه واحكيله انا مريضة سكر .... ما عاد اشوف وشه وهالشي كان له ناحية ايجابية بحاله انه بدي اطفش اي عريس بس احكيله انا مريضة سكر بيطفش دغري ههههههه
آخر واحد سألته خلاص نحنا ما في نصيب بيننا بس بدي اناقشك بالموضوع شو نظرتك للبنت المصابة بالسكر يعني مو انت اول واحد يكون هيك موقفه شو يلي بيخلي اي شاب مجرد ما يعرف انه هالبنت معها سكر يصرف نظر عنها
قالي وهو محرج انه مريضة السكر بيصيبها برود بالعلاقة الزوجية هادا غير مشاكل بالنسبة للحمل والولادة واحتمال اصابة الاولاد بالسكر وراثة راح تكون كبيرة هادا غير الاجهاد الدائم اللي بيخلي مراعاتها للبيت ما راح تكون على اكمل وجه وهادا ذكرني كمان بواحد كان جايب ابنه عمره 18 سنة للدكتور يراجع وكان بيخبر الدكتور انه بده يجوز ابنه بهالعمر لانه خايف اذا كبر شوي تظهر عليه مضاعفات السكر وما بينفع يتجوز بعدين ... الدكتور صحح له المعلومة وقاله ابنك ملتزم بالعلاج ووضعه طبيعي وبتبلش تظهر عليه مضاعفات السكر في حال الاهمال مو قبل عشر سنوات
و انا كمان سألت الطبيب اللي بتابع معه اذا الوضع بيختلف بين البنت والولد وانه البنت ممكن يأثر بالحمل والولادة ... الخ قالي هالحكي ماله اي اساس من الصحة بس ممكن هالشغلات تصير لمضاعفات السكر في حال اهمال العلاج او عدم الانتظام في مواعيد الابر غير هيك انا انسانة طبيعية وبقدر اعيش حياتي بشكل طبيعي واؤدي مهامي سواء كموظفة او زوجة او ام بشكل كامل
الخلاصة من الموضوع انه مرضى السكر ناس طبيعيين وما عندهم اي مشكلة بأي شي فبلاها الانتقاص من قدرهم ومراعاة الجانب النفسي لهم لأنه اهم كتير من الجانب البدني
تحيـــــــــــاتي للجميـــــــــع
--~--~---------~--~----~------------~-------~--~----~
لقد تلقيت هذه الرسالة لأنك مشترك في مجموعة قلوب العاشقين.
لتقوم بارسال رسائل لهذه المجموعة ، قم بارسال بريد الكترونى الى
jarh5000@googlegroups.com
لإلغاء الاشتراك في هذه المجموعة، ابعث برسالة الكترونية الى
jarh5000-unsubscribe@googlegroups.com
لخيارات أكثر , الرجاء زيارة المجموعة على
http://groups.google.com.sa/group/jarh5000?hl=en
-----------------------
أثبت وجودك لا تقرأ وترحل شارك معنا ولو بأيميل واحد
لمن اراد التوقف عن استقبال ايميله من المجموعة
يرسل بريد الى jarh5000@hotmail.com
ويكتب يرجى التوقف عن ارسال رسائل البريد الإلكتروني من المجموعة.
وسيتم الغائه خلال 24 ساعة
--------------------------------
Who wants to stop receiving messages from the group
Send mail to Jarh5000@hotmail.com
.Please stop writing and sending e-mail messages from the group
Will be canceled within 24 hours
-~----------~----~----~----~------~----~------~--~---
No comments:
Post a Comment