( موضوع بالغ الأهمية )
لازم نناقشه
السلام عليكم ورحمة الله وبركاته
والله مااعرف وش اكتب من القهر
التراكمات كثرت ..
والجروح ما تشفى ..
لا حول ولا قوة الا بالله
يمكن الاكثرية يعرف بسالفة مشاري الطفل الرضيع
اللي اعطته الخادمة الاندونيسية رضعة فيها سم بدون سبب
جعل الله يحرم عليها جنته .. اللهم امين ..
طبعا مشاري مات بعد ما تعذب من السم ..
المشكلة الجديدة القديمة
ليش السعودي يتنفذ فيه القصاص لما يرتكب جريمة
والاجنبي ( يرحلونه ) .......؟
ليش المواطن صار زي الكلب .. ماله حق
ولا اعتبار
ولما يعتدي عليه الاجنبي ما يصير له شي
يكتفون بترحيله ...؟؟
يا جماعه منتبهين لخطورة الموضوع .....؟؟
يعني احنا ببلدنا مو ماخذين حقنا
وقمنا ننذل لما نسافر برا ,, لا السفارة تدافع عنا
ومسؤؤلين السفارة معاملتهم لنا حقيرة في كل دولة
يتفشلون منا وكأننا حثالة مو أوادم
لما تصير لنا مشكلة ناكل تبن وما تنحل
يسكرون البيبان بوجهنا
ويطردونا
واكبر دليل اللي قاعد يصير لنا في البحرين
اجل وشو له فاتحين السفارات لنا برااا ..؟
نفاق ؟؟
ولا رواتب عالفاضي ..؟؟
يا جماعه ليش ما نرفع شكوى للملك عبدالله
بخصوص ( كرامة ) الشخص السعودي
داخل البلد .. وخارجه ..
داخل البلد ضد هذي العمالة الفاسدة اللي تذّبح في
المواطنين بلا حسيب ولا رقيب ..
وخارج الوطن ضد كل من يسيء للسعودي
او يتعدى عليه ...
ليش ما نعتز بوطنيتنا ..؟
طبعا لأنه ما لنا حقووووووق
قبل لا تدرسونا الوطنية
مارسوها علينا وعلمونا اياها ..
مو تدرسونا اشياء وطبقة الفساد في الدولة تعطينا
دروس حية مختلفة
ليـــــش ما نتكلم
والله لو تكلمنا صار لنا اعتبار
بس هم ما يسوون كذا الا لأنا ساكتين
اتوقع لو سمع الملك بالموضوع
بينتبه
بس هو ما يدري
المفروض نتكلم
ابي قانون يجرم هذي الفئة العاملة القذرة
وتوقيعاتهم لازم تتم على اوراق قبل لا يجون السعودية
بحيث لو نفذوا جريمة فهم يعرفون مسبقا عقوبتها
ويعرفون حكم القصاص فيها
ليش يترحلون ليش ابي افهم ..؟؟
الله لا يوفق اللي يسمح لهم ويرحلهم صغير
او كبير
الله لا يرحمه لا دنيا ولا اخررررة
ما يراعون ام ولا ابو متقطعه قلوبهم على
بناتهم المخطوفات والمغتصبات
ولا بعد يصورون بناتنا
ويفضحونهم
واطفالهم المشوهين ...
والمحروقين
ولا يرحمون قلوبنا
انا ادري ان فيه منكم فيه غيرة على
دينه ووطنه
فيه منكم كتاب وصحفيين ومحامين
مابي الايميل ينتشر كذا عالفاضي
ارفعوا شكوى
او تظلم يا اصحاب المناصب
مناصبكم مو للرزة والكشخة
مناصبكم موضوعة لراحة المواطن ..
حللوا رواتبكم عالاقل ..!!
ارفعوا اي شي لرد اعتبارنا
يا مثقفيــــــــــن البلد يا غيورين
واحنا نوقع معكم ,, ونساندكم باللي تبون
نبي كرامة الشخص السعودي ترجع
ويعتز بوطنه
ويبنيه
ما نبي اجيال محطمة ومهزومة وذليلة
تخجل من الوطن
والوطن يخجل منها
ما نبي عيالنا يصيرون حقودين
يتبعون اي فئة ضالة
او تفكير فكري منحرف
او اي حركة خارجة عن الدين او الدولة
مانبي شخصية مهزوزة
مانبي شبابنا يتنازلون عن جنسيتهم
السعودية وياخذون اي جنسية تقدرهم
او تقدر فكرهم او ابداعهم
نبي نعيش بوطنا
امنين
محبين له
معتزين فيه
يكفي الارهاب وبلاويه
والناس اللي راحت منه وبسببه
ناس مالها ذنب
وناس ابرياء
وناس كافحــــــــوا للقضاء عليه وقضى عليهم
احنا نكافح الارهـــــــــاب
بالدعايات
والشعارات
وما ندري انو احنا اللي زرعناه وربيناه بينا
لين كبر .. و أكلنا ..
وحصد ارواحنا ..
بسبب فئة فاسدة
ما تخاف حقوق الله ولا تراعي حقوق
المواطن
ارجووووووووووووووووووووكم
انشروا
لعل الله ينصفنا ويرد حقوقنا من هالمنبر ..
اللهم امين
-----------------------------------
ضع توقيعك بالاسفل قبل ارسال الايميل يمكن نكسر خاطر احد في مجلس الشورى .. او محامي .. او حقوق الانسان .. ويرفع الموضوع لاصحاب
الشأن ..
1- الله يعيني انا أولكم : n j o ....> اطالب برد اعتبار الشخص السعودي داخل البلد وخارجه , وحفظ حقوقه وتطبيقها .
2-
3-
4-
5-
بريدك الإلكتروني والمزيد أثناء تنقلك. احصل على Windows Live Hotmail مجانًا. اشترك الآن.
No comments:
Post a Comment