موضوع عجبني وحبيت انقله لكم
اللي سيارته تسخن يقراء الموضوع
اللي سيارته تسخن يقراء الموضوع
(إعادة توجيه – للإفاده...)
حرارة االسيارة بهدلتني ... موضوع مهم جداً ... جاكم الصيف والحرارة !!!
بسم الله الرحمن الرحيم
الشكر لله أولاً وأخيراً فقد هداني الله لحل مشكلة الحرارة
سيارتي جمس 94 سعودي جميح مقاس …2500 كانت الحرارة مع المكيف ترتفع فوق النص بسرعة 140 وفوق والمكيف مايبرد وإذا هديت نزلت الحرارة تحت النص وبرد المكيف !!!!! وإذا وقفت ربع ساعة والمكيف شغال أرتفعت فوق النص والمكيف مايبرد وإذا مشيت نزلت تحت النص وبرد المكيف !!!!!!وهكذا لي فترة وأنا محتار في هذه المشكلة
غيرت كلتش المروحة وغيرت طرمبة الماء وغيرت راديتر جديد أربع رصات شلت بلف الحرارة حطيت ماء راديتر أصلي ….كل الحلول جربتها مانفعت أبداً ؟؟؟؟؟
وديته لأكبر مهندسي السيارات في المكيانيكا والكهرباء ماعرفوا العلة وأغلبهم يقول رأس المكينة يحتاج تغيير ولازم نفك المكينة يبون يسرقون فلوس على الفاضي بس وإذا فكوا الراس قالوا تحتاج توضيب نصااااااااااابين…أنتبهوا من نصبهم!
لدرجة أني فكرت أبيع السيارة وأتخلص منها طفشتني بالحييييييييل
المهم جلست مع واحد من الشباب وعلمته السالفة قال الحل عندي وأنا أبو هندي..بكرة العصر عندك شئ مشغول ولا فاضي قلت أبد ماعندي شئ…قال مرني بعد صلاة العصر بوديك لمحل عنده الحل قلت تم مريت الرجال وركب معي ورحنا لواحد صاحب ورشة لديترات تنظيف وتركيب وتصييخ عنده جهاز أخضر لغسيل الراديتر ومجاري الماء في المحرك
قال له الرجال هذا عنده مشكلة حرارة بالسيارة ويبي غسيل كامل للراديتر والمحرك من الداخل قال أبشر وقف السيارة هنا لو سمحت وجيب لي (علبة فلاش أمريكي ) أو (علبتين زيت فرامل )
أخترت زيت الفرامل وجبتها له قام وفك خرطوش الماء الطالع من المحرك للراديتر وشبك فيه لي الجهاز وشبك لي ثاني في الراديتر واحد يدخل الماء والثاني يخرجه وخلط زيت الفرامل مع جالون ماء وحطها بالجهاز وشغله قام الماء يدور في الراديتر والمحرك ويخرج مرة ثانية للجهاز وهكذا طلع يا أخوان شئ زي الرمادة أسود وأحمر من المحرك وبعد كل غسله يصرف الماء ويحط ماء جديد وهكذا تقريباً 7 مرات حتى أصبح الماء الخارج من الغسيل صافي لا يوجد به شوائب بعدها أفرغ الماء كامل من الراديتر والمحرك ورجع الليات زي أول وعبيته ماء أخضر أصلي وزدت عليه 4 علب ماء بطارية مقطر وأغلقنا الراديتر وأعطيته 80 ريال والآن السيارة لها 5 أشهر يالله لك الحمد الحرارة ماتعدت الربع في أسوء الأحوال مع المكيف سواء في الخط أو الوقفه
وقال لي هذه الحركة لازم تسويها كل سنتين أو ثلاث سنوات بالكثير لأن الصدأ يتراكم على مجاري الماء في المحرك مثل جير الأسنان فيمنع الماء من تبريد جدران المحرك من الداخل فتسخن السيارة
بعدها بأسبوع جبت له كدلك موديل 90 فيه نفس العلة وصار تمام وجبنا له كرسيدا 95 نفس العلة وصارت تمام وجبنا له كابرس 2000 نفس العله وصار تمام
هذا ما أحببت أن أوصله لكم قبل الخساير والتكاليف أبدأ بالرخيص قبل الغالي
ملاحظة / هذه الشغلة تكلف من 50 الى 80 ريال وأي ورشة تنظيف رديترات يمكنها أن تعملها لك بشرط وجود جهاز التنظيف لديها لونه أخضر صناعة أمريكية يشتغل على الكهرباء أو أي جهاز مماثل له وبالتوفيق للجميع
تعرف علي المزيد من خدمات تعرف علي المزيد
--~--~---------~--~----~------------~-------~--~----~
لقد تلقيت هذه الرسالة لأنك مشترك في مجموعة قٌٍرٌٍوٍبٌَِ قٌٍلوٍبٌَِ آلعًٍآشًِْقٌٍيَنْ .
لتقوم بارسال رسائل لهذه المجموعة ، قم بارسال بريد الكترونى الى
jarh5000@googlegroups.com
لإلغاء الاشتراك في هذه المجموعة، ابعث برسالة الكترونية الى
jarh5000-unsubscribe@googlegroups.com
لخيارات أكثر , الرجاء زيارة المجموعة على
http://groups.google.com.sa/group/jarh5000?hl=en
-----------------------
أثبت وجودك لا تقرأ وترحل شارك معنا ولو بأيميل واحد
لمن اراد التوقف عن استقبال ايميله من المجموعة
يرسل بريد الى jarh5000@hotmail.com
ويكتب يرجى التوقف عن ارسال رسائل البريد الإلكتروني من المجموعة.
وسيتم الغائه خلال 24 ساعة
--------------------------------
Who wants to stop receiving messages from the group
Send mail to Jarh5000@hotmail.com
.Please stop writing and sending e-mail messages from the group
Will be canceled within 24 hours
-~----------~----~----~----~------~----~------~--~---
No comments:
Post a Comment